30•06•2013 Alden Biesen [B] Dag Oude Muziek: Servaas! by Zefiro Torna & Psallentes

Zefiro Torna & Psallentes in Maastricht

Luister naar Servaas 4

Der enghel gods all daer quam

Ende seide hoem dan hij wale vernam

Stille ende nyet ouerluyt:

„Seruacius”, sprack hi, „gods druyt,

Ich come vanden ghewarighen gode

En(de)° ben hier tot dich sijn bode.

Dattu salt varen in gallia.

Du salt busschop werden dae.

 

Hij nam den busscop staff;

Sinte Seruaes dat hijne gaff.

Die lude die dat saghen,

Nyemant en derff des vraghen,

Sij en haddens groot wonder,

Eyn yghelijck bysonder,

Dat sij die teyken mochten sien

Die god selue liet gheschien

Doer sinte Seruaes wille.

Sij sweghen alle stille

 

Doen veruulden god ter stont

Mitten heilighen gheiste

Ende dede hem volleyste

Mit synnen ende mit woerden:

Alle die hoem spreken hoerden

Vernamen allet dat hij sprack.

 

Dat was hon salicheit ende ghemack

Off van welkerhande tonghe,

Beide oude ende ionghe,

Dutsche walsche off latijn,

Sij vernamen alle die reden sijn.

 

Doen men dit wijde vernam

Groet volck tot hoem quam,

Totten heileghen grieke.

Die lasersche ende die sieke,

Die stomme ende die blynden

Denen gaff hi sprake ende liecht,

Die grote heer van maestriecht,

Sij waren douff off lam.

Voele hem derre toe quam

Inden seluen stonden

Die daer waren ghebonden

Mitten ouelen gheyste.

Des dede hon god volleyste

Dat hijse gansseliken trooste

Ende haers rouwen erlooste.

Die edel noethulpere

(Hendrik van Veldeke, Servaaslegende)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Blog at WordPress.com.

Up ↑